سلسلہ رد غیر مقلدیت نمبر ٦
سنی: آپ نے علامہ وحید الزمان صاحب کے جو دو حوالے دیئے ہیں تو یہ کون صاحب ہیں؟
غیر مقلد: یہ ہمارے فرقہ کے بہت بڑے عالم تھے، انہوں نے سب سے پہلے ہمارے فرقہ کی فقہ کی کتاب مرتب کی جس کا نام’’نزل الابرار‘‘ ہے۔ حدیث کی بہت سی کتابوں کے اردو ترجمہ کئے حدیث کی کتابیں چونکہ عربی میں ہیں، لہذا اہل حدیث کی دانی انہی ترجموں کی مرہون منت ہے۔ حتی کہ ہمارے کیلانی صاحب نے تو ان ترجموں کے بل بوتے پر بہت ساری کتابیں بھی بنائی ہیں۔ الغرض ان کی نا قابل فراموش خدمات کی پیش نظر ان کا شمار فرقہ اہل حدیث کے اولین بانیوں میں ہوتا ہے۔
بہرحال آپ کے سوالات طویل ہو ر ہے ہیں اب آپ اصل موضوع کی طرف آئے۔
سنی: بات واقعی لمبی ہوگئی معذرت خواہ ہوں پوری گفتگو کا خلاصہ یہی نکلا :
(۱) آپ صحیح بخاری و مسلم کی روشنی میں اپنی پوری نماز ثابت کر میں گئے۔
(۲) اگر کوئی حدیث صحیح بخاری و مسلم کی حدیث سے ٹکراتی ہو تو آپ صحیح مسلم و بخاری کی حدیث پر عمل کریں گے ۔
(۳) کوئی ضعیف حدیث پیش نہیں کریں گے۔
(۴) کسی صحابی کا قول، اس کا فعل اور اس کا فہم آپ کے نزدیک حجت و دلیل نہیں لہذا آپ اسے پیش نہیں کر یں گے۔
غیر مقلد: بالکل جی انہی اصولوں کے مطابق گفتگو ہوگی۔بس آپ میدان میں آئے۔
نہ خنجر اٹھے گا نہ تلوار تم سے
یہ باروک مرے آزمائے ہوئے ہیں
سنی: انہی اصولوں پر یہ میرے دستخط میں آپ بھی دستخط کر دیجیے
دستخط سنی دستخط غیر مقلد
سنی: وقت کافی گزر چکا ہے اگر مناسب سمجھیں تو باقی گفتگو کل ہو جائے گی۔
غیر مقلد: تھکاوٹ تو مجھے بھی محسوس ہو رہی ہے لیکن گزشتہ طویل تمہید سے گویا ہم نے بجلی کی وائرنگ مکمل کر لی۔ اب تو بس ایک ایک مسئلہ کا بٹن دباتے جائیں گے اور میں دلائل کی روشنی کرتا جاؤں گا چونکہ ہمیں تو اپنے دلائل از بر یاد ہوتے ہیں، بس تھوڑی دیر میں فیصلہ ہو جائے گا۔’’دودھ کا دودھ اور پانی کا پانی‘‘۔
سنی: بہتر ہوگا کہ جس اطمینان سے ہم نے سابقہ گفتگو کی ہے اسی طرح ہماری بقیہ گفتگو بھی مکمل ہو اور ہم کسی واضح نتیجہ پرپہنچ سکیں۔
غیر مقلد: لگتا ہے آپ ابھی سے گھبرار ہے ہیں۔ بہر حال میں آپ کو مجبور نہیں کر سکتا البتہ میری ایک تجویز ہے کہ کل کی نشست میں دو آدمی میری طرف سے اور دو آدمی آپ کی طرف سے بیٹھیں گے اور باہمی اختلاف کی صورت میں ہم ان کا فیصلہ تسلیم کریں گے۔
سنی: میں آپ سے اتفاق کرتا ہوں لیکن انہیں ہماری گفتگو میں مداخلت کی اجازت نہیں ہو گی۔
