اللہ تعالی کو سب سے زیادہ محبوب کون ہے میں یا دین؟
السلام علیکم ورحمت اللہ
سلسلہ تخریج الاحادیث نمبر ۱١
حضرت جبرئیل علیہ السلام نے پوچھا کہ اللہ کو آپ زیادہ محبوب ہیں یا عرش ؟آپ نے فرمایا کہ میں۔ پھر سوال کیا کہ اللہ کو میں زیادہ محبوب ہوں یا آپ؟ تو آپ ﷺ نے فرمایا کہ اللہ کو میں زیادہ محبوب ہوں۔ پھر پوچھا کہ اللہ کو آپ زیادہ محبوب ہیں یا دین؟ تو آپ ﷺ نے فرمایا کہ دین“کیونکہ دین کی خاطر مجھے بھیجا گیا اور دین کی خاطر سارے انبیاء نے تکلیف برداشت کی ہے۔
یہ حدیث بیانات وغیرہ میں کثرت سے بیان کی جاتی ہے ، بہت تلاش کے باوجود اس کی بنیاد یا اس کے اصل ماخذ کا پتہ نہ چل سکا ، از اختلف دار الافتاء سے اس روایت کے سلسلے میں رجوع کیا گیا توان کی طرف سے اس حدیث کے ثبوت کی نفی کی گئی ، چنانچہ ہفت روزہ ضرب مومن “ کے شرعی مسائل میں اس حدیث کی صحت کے بارے میں سوال کیا گیا ، تو اس کا جواب " دار الافتاء والارشاد کراچی کی طرف سے یوں دیاگیا ہے ۔ یہ بات ہم نے حدیث کی کتابوں میں کہیں نہیں پڑھی اور نہ ہی کسی معتمد عالم دین سے کیا ہے ، اس مضمون سے ملتی جلتی کوئی حدیث بھی ہماری نظر سے نہیں گزری ، اس لیے اس بات کو بطور حدیث بیان کرنے والے پر لازم ہے کہ وہ اس کا معتبر حوالہ پیش کرے ، بغیر معتبر حوالہ کے ہرگز اس کو آگے بیان نہ کرے ۔
[آپ کے مسائل کا حل،مندرجہ ضرب مؤمن ،جلد ١٧،شمارہ ٢،جمعہ ٧ تا جمعرات ١٣ صفر ١٤٣٤ء]
اسی طرح دارالعلوم دیوبند سے جاری ہونے والے جدید فتاوی جات میں اس حدیث کے متعلق لکھا ہے :۔ ہماری نظر سے ایسی کوئی حدیث نہیں گزری ۔
[دار الافتاء دیوبند (جواب نمبر: 31553 28-Aug-2020)]
لہذا اس حدیث کو بیان کرنے سے اجتناب کرنا چاہیے
جمع و ترتیب : ماجد ابن فاروق کشمیری
کوئی تبصرے نہیں:
ایک تبصرہ شائع کریں
ویب گاہ کی بہتری کے لیے آپ کی قیمتی رائے ہمارے لیے اہم اور اثاثہ ہے۔