سلسلہِ اسلامی عقائد و معلومات
قسط 2 از اسلامی زندگی / Majid Kashmiri
سوال ۵. اللہ تعالی کے بارے میں اسلامی عقیدہ کیا ہے؟
جواب۔ اللہ تعالی اس تنہا ویکتا پاک و بے عیب ہستی کا نام ہے جو ہمیشہ سے ہیں اور ہمیشہ رہے گا، اس کا کوئی مثل و شریک نہیں، وہ تمام صفاتِ کمالیہ کا جامع ہے۔
سوال ۶. اللہ تعالی کی صفات کمالیہ کیا کیا ہیں؟جن پر ایمان لانا ضروری ہے۔
جواب۔ حیات، علم، سمع، بصر، قدرت، ارداہ، کلام اور خلق و تکوین۔
سوال۷. خدا تعالیٰ کے لیے بیٹا یا بیٹی ہونا ممکن ہے؟
جواب۔ خدا تعالیٰ نہ کسی کا باپ ہو سکتا ہے اور نہ بیٹا کیونکہ توالد و تناسل خاصہِ جسمانیت ہے اور اللہ تعالیٰ جسمانیت سے پاک ہے۔
سوال ۸: فرشتوں کے بارے میں اسلامی عقیدہ کیا ہے؟
جواب۔ اسلامی عقیدہ یہ ہے کہ فرشتے اللہ کے معصوم و مکرم بندے ہیں۔ جن کو اللہ تعالیٰ نے نور سے پیدا کیا اور ہماری نگاہوں سے ان کو پوشیدہ رکھا، ان کی تعداد صرف خدا کو معلوم ہے۔
سوال ۹۔ مشہور اور مقرب فرشتے کون ہیں؟ اور ان کی ذمہ داریاں کیا ہیں؟
جواب۔ چار فرشتے مشہور و مقرب ہے (۱) جبرئیل علیہ السلام جو خدا تعالیٰ کی کتابیں اور احکام پیغمبروں تک لاتے تھے۔ (۲) اسرافیل علیہ السلام جو قیامت میں صور پھونکیں گے۔ (۳) میکائیل علیہ السلام جو بارش کا انتظام کرنے اور مخلوق کو روزی پہنچانے پر مقرر ہیں. (۴) عزرائیل علیہ السلام جو مخلوق کی روح نکالنے پر مقرر ہیں۔
کوئی تبصرے نہیں:
ایک تبصرہ شائع کریں
ویب گاہ کی بہتری کے لیے آپ کی قیمتی رائے ہمارے لیے اہم اور اثاثہ ہے۔